Një vendim i rrezikshëm, por që fatmirësisht kurseu nga vdekja dy jetë, e mbase më shumë.
Media amerikane ka përcjellë së fundmi pamjet e kapura nga kamera e një aeroplani të vogël që mundi të ulej në një rrugë për makina. Piloti, i quajtur Vinsent, ndodhej në bord me vjehrrin e tij në momentin kur motori i aeroplanit pësoi defekt. Dy burrat ndodheshin në një zonë mes kodrash e malesh.
“Munda ta rindez motorin disa herë, por avioni qëndronte në fluturim për 3-5 sekonda dhe më pas merrnim për poshtë. Falë mëshirës së Zotit, pashë në të majtë dhe s’kishte veçse male e pyje, kur papritur pikasa një rrugë”-shpjegoi piloti për median amerikane.
Vinsent nis të ulë aeroplanin në rrugë dhe fatmirësisht gjithçka shkoi mirë.
I riu kishte një vit që punonte me avionët dhe më parë kishte qenë pjesë e marinsave.
“Rikujtova ushtrinë dhe nisa të vendos objektiva. Në mendje thoja duhet të shpëtoj jetën e Xhefit (vjehrri) dhe timen dhe gjithashtu kur të ulen në rrugë të mundohem që të mos shkaktoj asnjë dëm”
