Skip to content

Pamjet video, momenti kur serbët qëllojnë në drejtim të oficerëve të Kosovës

Ndajeni këtë artikull me të tjerë duke klikuar ikonat më poshtë

Ky është momenti kur oficerët e policisë së Kosovës u përballën me disa të shtëna armësh automatike.

Video është përcjellë në rrjetet sociale dhe mediat e Kosovës.

Mbi lajmet se ishte qëlluar drejt policisë, një reagim pati edhe nga Policia e Kosovës, e cila bëri me dije se asnjë oficer nuk ka mbetur i plagosur nga të shtënat.

Situata në veri të Kosovës u tensionua fill pasi grupe serbe nisën të bllokojnë rrugët drejt pikëkalimeve kufitare mes Kosovës e Serbisë. Kujtojmë se të hënën do të duhej të hynin në fuqi dy vendime të qeverisë së Kosovës për reciprocitetin me targat e dokumentet karshi Serbisë, kur këto të fundit do të hynin në territorin e Kosovës.

Fill pas tensionimit të situatës, në Prishtinë ka patur një takim urgjent mes Kryeministrit Kurti, Presidentet Osmani e dy zv.kryeministrave, të cilët kanë takuar ambasadorin e SHBA-ve në Kosovë. Ky i fundit doli për mediat pas takimit dhe shpjegoi se kishte kërkuar nga qeveria që të shtynte për një muaj hyrjen në fuqi të reciprocitetit, një sugjerim i cili pak minuta më vonë u pranua nga qeveria e Kosovës.

Ndajeni këtë artikull me të tjerë duke klikuar ikonat më poshtë