Më shumë se 200 banesa janë përmbytur në Greqi nga moti i keq dhe vërshimet e furishme të ujit. Një zonë e prekur veçanërisht nga përmbytjet ka qenë ajo e Evias, e cila pak muaj më parë u përfshi nga flakët.
Dhjetëra banorë janë evakuar nga banesat e tyre për pasojë të përmbytjeve. Ekipet e shpëtimit kanë punuar përgjatë gjithë natës për të larguar banorët nga zonat e rrezikuara. Sipas këtyre të fundit, autoritetet i kanë lënë në mëshirë të fatit qytetarët.
Ndërkohë dëmet e ardhura nga shirat e dendur, sipas autoriteteve lokale, janë të pallogaritshme. Zona të tjera të prekura rëndë gjatë orëve të fundit kanë qenë Agia Anna, Achladi dhe Kotsikia.
