Kandidatja për deputete e Partisë Demokratike Orjola Pampuri ka zhvilluar një takim me mbështes të PD në fshatin Malvilëz.
Ajo në një postimi në rrjetet sociale ka renditur problemet e shumta me të cilat përballej kjo zonë.
“Energjia elektrike, vinte me një tension të ulet, që rrezikonte shpesh ti digjte pajisjet elektrike, prodhimet u shkonin dëm banorëve se nuk mund t’i shisnin, pasi rruga i pamundësonte shpesh të zbrisnin në qytet”, shkruan Pampuri.
Postimi i plotë:
Takimi me banorët e fshatit Malvilëz, ishte i veçantë.
Bora ende nuk kishte shkrirë, e dukej sikur ishte ende dimër. Perveç bukurisë që i kishte falur natyra atij vendi, e banorë aq punetorë gjithashtu, shteti në këto 8 vite, kishte harruar që egzistonin.
Ata nuk deshën asgjë veç rrugës, që ishte një tmerr i vërtetë, dëmshperblimet e tërmetit, që siç referonin ishin shpërndarë në menyrë selektive, siç kishin bërë edhe me rindertimin e shtëpive pas tërmetit.
Energjia elektrike, vinte me një tension të ulet, që rrezikonte shpesh ti digjte paisjet elektrike, prodhimet i shkonin dëm e nuk mund t’i shisnin, pasi rruga i pamundësonte shpesh të zbrisnin në qytet.
Transporti për fëmijet në shkollë ishte i pamundur për shkak të rrugës. Ata ishin njerëz të mrekullueshëm, ajo ç’ka ata kërkonin ishte ndryshimi, shpresa për një jetë më të mirë.
Me 25 Prill #ShqipëriaFiton.