Subscribe
Krahina e Kolonjës, një prej zonave më interesante të Shqipërisë, ofron këtë javë për turistët më të mirën e traditës dhe kulturës së saj. Në panairin e organizuar nga bashkia amvisat kanë sjellë gatimet tradicionale të kësaj zone si dhe punimet e dorës. Meleqe Isa nga Erseka tregon se turistët janë kryesisht ata që blejnë gatimet që janë karakteristike për këtë zonë.
MELEQE ISA
“Ketu presim turistet se turistet i pelqejne punet e dores dhe te gjitha gatimet tona“
“Sot kam nxjerre punedore te ndryshme te punuara me grep, qendisje, qe ne i bejme jo vetem per ti reklamuar por edhe per t ia lene mbesave e nuseve tona q eta ruajne traditen”
Krahas panairit bashkia ka zgjedhur të organizojë për të gjithë pushuesit një koncert dhe instrumentisti, Aleks Xhelili shpjegon përpjekjet për të ruajtur traditën e muzikës kolonjare e sazeve të kësaj treve.
ALEKS XHELILI
“Ne kete koncert marrin pjese kengetaret popullore bartes te folklorit, fanatike do te thoja me ne krye Bylyre Jasharin”
Ndërsa kryetari i bashkisë Erion Isai thekson se panairet e koncertet krijojnë një hapësirë të re për ta bërë Kolonjën tërheqëse për pushuesit.
ERION ISAI
KRYETAR I BASHKISE
“E nisim me femijet per te treguar vizionin q eta trashegojme historine kulturore tek femijet. Me nje panair qe e zhvillon zonen dhe I ndihmon njerezit ta ndjejne ne xhepin e tyre dhe ne ekonomine e tyre fuqine e turizmit.”
Gjatë këtij viti Kolonja është vizituar nga më shumë se 25.000 turistë. Në qytetin e Ersekës dhe fshatrat turistikë të njohur të zonës ka më shumë se 40 hotele, bujtina dhe shtëpi pritëse me më tepër se 600 vende akomodimi.
