Tërmeti që ra rreth orës 22.08 minuta si dhe lajmet e rreme që po qarkullojnë në disa media për një tërmet të mundshëm në orën 23:30 kanë shkaktuar panik tek qytetarët në Tiranë.
Nga gazetarët e terrenit raportohet se qytetarët kanë dalë në rrugë dhe se shumë prej tyre kanë marrë makinat dhe po largohen nga qyteti.
Ndërkohë për lajmin e rreme që qarkulloi në media reagoi kreyministri Rama si dhe ministria e Mbrojtjes.
“Ky eshte nje fakenews kriminal per te perhapur panik dhe çdo idiot qe shkruan per parashikime termetesh thjesht duhet neveritur”, shkruan Rama.
“Prej disa minutash qarkullon ne disa portale dhe rrjete sociale nje lajm i rreme mbi parashikimin e nje termeti me permasa, ne oren 23.30. I bejme thirrje te gjithe qytetareve, te mos bien pre e njoftimeve te tilla keqedashese dhe perhapese paniku pasi nuk ka asnje parashikim te tille shkencor nga asnje institucion shkencor. Gjithcka po tentohet te behet per te perhapur panik mes qytetareve eshte kriminale.”, ka sqaruar Ministria e Mbrojtjes.