Kreu i Partisë Demokratike, Lulzim Basha ka ndarë mesazhin e Papa Franceskut i cili u kërkonte të rinjve shqiptarë të mos e linin vendin e tyre.
Krahas videos, Basha bashkangjit edhe një mesash të tijin ndërsa shkruan se është në dorën e tij dhe politikanëve të tjerë që të krijojnë kushtet që rinia të zhvillojë ambiciet dhe ëndrrat në Shqipëri.
Mesazhi i Bashës:
Mirënjohje Papa Françeskut për këtë mesazh shprese dhe inkurajimi për të rinjtë tanë. Vendi i tyre ka nevojë për ta dhe të gjithë ne duhet të bëjmë çdo gjë që është në dorën tonë për t’u krijuar kushtet që rinia jonë e mrekullueshme të zhvillojë ambiciet dhe ëndrrat në Shqipërinë tonë të bekuar me shumë mundësi e bukuri.
Faleminderit Dom Arjan Dodaj, Arqipeshkvi i Arqidioqezës Metropolitane Tiranë-Durrës që mundësoi këtë mesazh kaq të veçantë.
