Vendimi i Milorad Dodik për të nderuar Vladimir Putinin në vazhdën e agresionit rus kundër Ukrainës thotë shumë për karakterin e festës në të cilën u dha çmimi, dhe veçanërisht për karakterin e qeverisë së udhëhequr nga Dodik, tha nënkryetari i SDA-së, ndër forcat kryesore politike aty, Safet Softiç.
Sipas tij, duke festuar datën në të cilën filloi spastrimi etnik i boshnjakëve dhe kroatëve nga kjo pjesë e Bosnjes, e cila kulmoi me gjenocidin në Srebrenicë, dhe më pas duke nderuar njeriun që ka udhëhequr agresionin brutal kundër Ukrainës për një vit, Dodik dhe qeveria që ai përfaqëson janë çimentuar në anën e errët të historisë.
“Festimi i datës që ishte një prelud i gjenocidit dhe krimeve të tjera të luftës dhe vlerësimi ndaj Putinit, janë një mesazh i qartë se Dodik nuk ka ndërmend të heqë dorë nga politika shkatërruese dhe kërcënuese për paqen që po frenon Bosnjën dhe po destabilizon situatën në vend dhe rajon. Injorimi ose reagimi joadekuat ndaj një politike të tillë nga ana e Perëndimit, apo edhe një amnisti e plotë nga ana e forcave pro-boshnjake dhe kjo vetëm për të arritur poste në qeveri, nuk është qartë një marrëdhënie që do të pengojë dhe ndalojë Dodikun, por do t’i hapë hapësirë për të arritur qëllimet e tij”, arsyetoi Softiç.
“Disa nga përfaqësuesit ndërkombëtarë në vendin tonë shpërfillin qartë rreziqet dhe faktin që Dodik është një eksponent i drejtpërdrejtë i politikës së Putinit në Ballkan”, shton Softiç.
