Edhe pse ditët e fundit janë dominuar nga temperaturat e ngrohta, sinoptikanët paralajmërojnë se i ftohti do të na shoqërojë edhe gjatë muajit mars.
Sipas meteoalb, Parashikohet që ky muaj të surprizojë me motin.
“Pas fundjavës pritet ndryshim i situatës sinoptike në vend, më i dukshëm ky ndryshim në prezencën e vranësirave dhe reshjeve ku nuk do të mungojë edhe dëbora në zonat malore. Vlen të theksohet se pikërisht DITA E VERES pritet të mos sjellë kushte të favorshme të motit; mot më i ftohtë se fundjava që na pret si edhe prezencë e reshjeve.
Parashikohet që muaji MARS të surprizojë me motin edhe përtej Ditës së Verës”, sqarohet në faqen e meteoalb.