Një ngjarje e rëndë kriminale është parandaluar ditën e djeshme nga policia e Elbasanit.
Patrullat e policisë kanë pikasur një person në bulevardin kryesor të qytetit duke lëvizur me armë zjarri tip ‘Kallashnikov’ dhe sapo uniformat blu i janë afruar ky i fundit ka hedhur armën dhe është larguar.
Nga hetimet paraprake rezulton se personi i identifikuar tashmë nga policia është më precedent të mëparshëm kriminal dhe paraprakisht konfirmohet se ai do të kryente një krim.
Hetimet e deritanishme kanë bërë që policia të ketë pista edhe mbi “shënjestrën” e personit. Aktualisht ai është shpallur në kërkim dhe vijon puna për kapjen e tij.
Nga ana tjetër, ende nuk bëhen me dije detaje lidhur me objektivin e personit të armatosur.
