Altin Lepuri është vënë në prangat e policisë pasi kultivoi së bashku me vëllain e tij të shpallur në kërkim, kanabis në fshatin Baz.
44-vjeçari ishte në kërkim më parë për një tjetër rast kultivimi të bimëve narkotike në vitin 2019.
Ndërkaq, vëllai i tij Artan Lepuri 36-vjeç është shpallur në kërkim nga policia.
Dy vëllezërit në bashkëpunim me njëri-tjetrin kultivonin kanabis në një zonë të pyllëzuar Bazit, përkatësisht 100 rrënjë të cilat u asgjësuan me anë të djegies.
Altin Lepuri ka qenë i shpallur në kërkim për veprën penale “Kultivimi i bimëve narkotike”, pasi Gjykata e Apelit Tiranë, me vendimin e datës 31.03.2022, e ka dënuar me 5 vjet burgim për një rast kultivimi të bimëve narkotike në vitin 2019, nga të cilat i kanë mbetur pa vuajtur dhe 1 vit e 1 muaj burgim.
Materialet i kaluan Prokurorisë pranë Gjykatës së Shkallës së Parë Mat, për veprime të mëtejshme.
