Në kuadër të 21 Majit, Ditës Botërore të Diversitetit Kulturor për Dialog dhe Zhvillim Drejtoria Rajonale e Kulturës Kombëtare organizon në ambjentet e parkut Prespë një aktivitet. Mihallaq Qirjo, Drejtori i Administratës të Zonave të Mbrojtura të Qarkut do bëjë një njohje me vlerat e këtij parku kombëtar.
Më tej do bëhet një prezantim i shkurtër në lidhje me Ditën botërore të Diversitetit Kulturor nga Florenc Cenolli, Arkeolog në DRTK Korçë.
Referenca do të mbajnë Constanze Schaaff me temë “Vleresimi i Trashegimise Kulturore dhe Natyrore ne perfitim te njerezve, ne Rezerven e Biosferes”.
Do të flasin në këtë aktivitet edhe Vasil Male, Specialist pranë Parkut Kombëtar të Prespës për Rezervat Ndërkufitare të Biosferes Ohër-Prespë nga Parku Prespë. Llazi Stojani, mësues historie I zonës do referojë “Historiku dhe Monumentet e Kulturës në Zonën e Prespës”.
Ndërsa Eftim Mitrevski I gazetës Prespa mbi kulturën, etnografinë dhe kulinarinë e Zonës së Prespës’’. Trajan Vangjelovski, drejtor i shkollës në Prespë flet në këtë aktivitet me temën “Njohja e Diversitetit Kulturor për brezat e rinj”.
