Ditën e enjte, në datën 2 shtator, ora 10:00 pritet që Partia Socialiste të mbledhë Asamblenë Kombëtare.
Mësohet se mbledhja do të zhvillohet në ambientet e Pallatit të kongreseve, në Tiranë.
Rendi i ditës nuk është bërë ende i ditur, por pritet që kryeministri Edi Rama të bëjë të ditur emrat me të cilët do qeverisë në mandatin e tretë.
Lajmi bëhet i ditur nga kreu i Grupit Parlamentar të PS, Taulant Balla.
”Të nderuar anëtarë të AK!
Ju njoftojmë se ditën e Enjte, datë 2 Shtator 2021, ora 10.00, do të zhvillohet mbledhja e Asamblesë Kombëtare të Partisë në Pallatin e Kongreseve Tiranë. Rendi i Ditës së kësaj mbledhje do të njoftohet nesër. Lutemi merrni masat për pjesëmarrjen e domosdoshme në këtë mbledhje!”, shkruan Balla.
