Në Kosovë ka filluar regjistrimi i popullsisë, ekonomive familjare dhe banesave “ReKos2024”, i cili do të zgjasë deri më 17 maj të këtij viti.
Regjistrimi për herë të parë do të bëhet në komunat e veriut, pra në Leposaviq, Zubin Potok, Zveçan dhe Mitrovicën veriore.
Tani për tani ai nuk dihet nëse serbët do të marrin pjesë në regjistrim. Serbët që jetojnë në katër komuna në veri të Kosovës bojkotuan regjistrimin e fundit të popullsisë në vitin 2011, ndërsa përgjigja e serbëve në jug të lumit Ibër ishte vetëm e pjesshme.
Partitë serbe e kundërshtojnë regjistrimin
Partitë serbe në Kosovë – lista Srpska, Partia e Serbëve të Kosovës, Lëvizja Popullore Serbe dhe Demokracia Serbe kundërshtojnë pjesëmarrjen e serbëve në regjistrimin e popullsisë dhe disa prej tyre kërkojnë shtyrjen e procesit deri në njoftimin e dytë, transmeton Tanjug.
Lista Serbe i ka thënë kryeministrit të Kosovës Albin Kurti dhe atyre që e mbështesin se serbët nuk do të marrin pjesë në regjistrimin e ardhshëm në Kosovë.
“Pjesëmarrja në proceset e organizuara nga Kurti do të ishte poshtërimi më i madh për popullin serb në kohën kur i njëjti Kurti ua mohoi serbëve të drejtën për pensione dhe paga, pengoi funksionimin normal të shëndetësisë dhe përfitimeve sociale, hoqi të drejtën e votës, arrestoi dhe persekutoi serbët, ndaluan vaksinimin dhe dërgimin e barnave, ndaluan dërgimin e ushqimeve nga Serbia qendrore, anuluan të gjitha marrëveshjet e arritura dhe të drejtat e garantuara popullit serb, ndaloi shtypin serb, imponoi me forcë kryetarët e tij të rremë në komunat serbe, bëri heqjen praktike të alfabetit serb në vendet publike dhe shenjat e komunikacionit”, thuhet në këtë njoftim përplot broçkulla tipike serbe.
