Një tjetër reagim vjen nga ana e Ministrit të Brendshëm, Sandër Lleshaj, pas publikimit të skandalit në emisionin “Top Story”, mbi trafikun e arabëve në Shqipëri.
Të martën në mbrëmje, “Top Story” denoncoi me fakte se si këta zyrtare të policisë dhe familjarë te tyre ishin bërë pjesë e rrjetit të paligjshëm të trafikut me arabët.
Ministri shprehet se policia ka rritur masat e kontrollit për të reduktuar çdo risk që lidhet me emigracionin. “Kontrolli i emigracionit të paligjshëm mbetet një prekopim i lartë për Ministrinë e Brendshëm, në mënyrë që të frenohen të gjitha rreziqet që rriten me flukset e pakontrolluara të emigracionit.
Duke filluar nga jugu e duke vazhduar në veri, policia do të rrisë masat e kontrollit për të reduktuar çdo risk që lidhet me këtë emigracion”, shprehet Ministri Lleshaj.
Kujtojmë se pas publikimit në emisionin “Top Story” u mor masë me pezullim nga detyra për të gjithë zyrtarët e Policisë Kufitare të përfshirë në këtë skandal.
Te pezulluarit janë: Enekeleda Toska,drejtoreshe e kufirit dhe emigracionit, Tirane. Altin Hasani, Shefi i sektorit Besnik Zela, Shefi i sektorit, Albana Metko, Shefe e Seksionit Adelina Lita, Specialiste.
