Ish- kryebashkiaku i PD në Mallakastër, Agron Kapllanaj, ka liruar sot zyrën paqësisht.
Në një prononcim për median, Kapllanaj, në një reagim të ngjashëm me Fran Frrokajn e Lezhës, u shpreh se nuk do ta priste në zyrë pasardhësin e tij pasi sipas tij, ai është i jashtëligjshëm.
Por ai tha se të gjithë ‘jemi miq dhe kolegë’.
Gjatë takimit të fundit me administratën, Kapllanaj u shpreh se ndihet krenar për ta.
“Në ditën e fundit të madatit tim, mbaroj detyrën. Do e prisja pasardhësin tim nëse do ishte i tillë, por është i jashtëligjshëm, pasi doli nga votime e jo zgjedhje.
Jemi miq e kolege, por ky është një emërim politik qe i ka ditët e shkurtra.
Pas pak muajsh kemi zgjedhjet e reja dhe do të kemi zgjedhje të vërteta në vend.
Jam në politike dhe do të jem”, është shprehur Kapllanaj. ()
