Pas gati dy javësh, gjendet trupi i 10-vjeçarit të mbytur në lumin Fan

Pas 14-ditësh është gjetur trupi i 10-vjeçarit që u mbyt në lumin Fan.

Ngjarja e rëndë ka ndodhur në momentin kur 10-vjeçari ishte futur në ujë për të kapur topin pasi kishte qenë duke luajtur me fëmijët e tjerë.

Mësohet se i mituri është rrëmbyer nga rrjedha e lumit.

Menjëherë nisën kërkimet për gjetjen e trupit të të miturit, ndërsa familja Laska prej ditësh kishte hapur dyert e mortit.

Burime bëjnë me dije se trupi i 10-vjeçarit u gjet nga polumbarët e Vlorës, në HEC-in e Repsit.