Momente jo të mira për Iker Casillas. Pak kohë pas ndarjes me gazetaren spanjolle dhe ish bashkëshorten Sara Carbonero, ish portieri ka shfaqur probleme shëndetësore duke u shtruar me urgjencë në spital, të mërkurën e 28 Prillit por që sot është zbuluar nga mediat spanjolle.

Mësohet se Casillas po luante tenis me një mikun e tij kur ka ndjerë dhimbje të forta në kraharor ndërsa zemra e tij kishte rrahje aspak normale dhe siç shkruhet nga shtypi, ai menjëherë ka shkuar me urgjencë në spitalin Universitar në Madrid. Pas disa orëve kontrolle nga mjekët, u përjashtua mundësia e një infarkti, ose më saktë përsëritja pasi në 2019 jeta e tij ishte në fije të perit kur në stërvitje me Porton zemra e tij i shfaqi probleme dhe u operua.

Mjekët mësohet t’i kenë rekomanduar kujdes në aktivitetet sportive jo zyrtare pasi tashmë ai e ka mbyllur me sportin aktiv ndërsa në rrjetet sociale ish portieri spanjoll është shfaqur i qeshur dhe me mesazhe të forta “të jetojmë sot, të nesërmen të shikojmë”.

Për t’ju bashkuar faqes sone në Facebook, klikoni like

loading…

/faxweb

Subscribe kanalin tonë në Youtube për të mos humbur asnjë video të re