Alvin Berisha,11-vjeçari i cili u nxor nga kampi Al-Hol në Siri tashmë i është kthyer jetës normale. Përveç ndryshimit në pamje, takimit me familjarët ai tashmë është edhe aktiv në rrjetet sociale.
I ati i tij, Afrimi i ka hapur një llogari në Instagram, ku tashmë ai mund të komunikojë me të gjithë.
“Ja dhe instagrami Jon” shkruan Afrimi, ndërsa në profilin e ri ka publikuar disa pamje të vogëlushit që nuk i kemi parë më parë.
Historia e Alvin Berishës
Historia e 11-vjeçarit u bë publike nga emisioni investigativ italian “Le Ienne”, ku me ndihmën e gazetarëve, pas pesë vitesh kërkimeve në fund, i ati i dëshpëruar Afrim Berisha, arriti të depërtonte në kampet e Sirisë dhe takoi të birin, në 25 shtator të këtij viti.
Tre ditë pas publikimit të investigimit të “Le Iene” për rastin e fëmijët 11 vjeç dha dorëheqjen edhe Genti Gazheli, ambasadori i Shqipërisë në Turqi, por të prekurit nga historia e të voglit shqiptar nuk u dorëzuan.
Italianë, shqiptarë dhe njerëz anembanë botës bashkë me median ushtruan presion mbi qeverinë shqiptare dhe organet kompetente në mënyrë që 11-vjeçari të kthehej sërish në krahët e të atit dhe këtë herë për të mos u larguar më kurrë.
