Pas përplasjeve me deputetët e opozitës, Komisioni i Ekonomisë gjeti si rrugëzgjidhje mbledhjen online, për t’i mundësuar ministrit të Financave, Ervin Mete prezantimin e buxhetit.
Në fjalën e tij, ministri Ervin Mete prezantoi prioritetet e buxhetit 2024.
Mbledhja ka zgjatur vetëm pak minuta, ndërsa në përfundim kryetari i Komisionit të Ekonomisë, Eduart Shalsi u shpreh i keqardhur për opozitën, e cila nuk po mundëson pjesëmarrjen e saj.
“Ndjej keqardhjen që koleget e opozitës nuk ishin të pranishëm dhe një pjesë e tyre nuk po i mundësojnë që të luajnë dhe ata rol për atë pjesë të shqiptarëve që përfaqësojnë”, tha Shalsi.
ÇFARÊ NDODHI SOT NE KUVEND?
më herët ditën e sotme, mbledhja u ndërpre pasi deputetët e grupit parlamentar të PD kërkuan që të marrin pjesë si dëgjues, gjë që u refuzua nga drejtuesja e Komisionit Lindita Nikolla.
Gazment Bardhi i ka bllokuar rrugën kryeparlamentares Lindita Nikollës brenda Kuvendit, pasi keta te fundit nuk u lejuan te merrnin pjese ne seancen ku u paraqit projektbuxheti i 2024.
“Pse nuk u mbyllët atje 1 orë përpara. Kryetare ky është Parlamenti?”, iu drejtua ai Nikollës, teksa ajo po zbriste shkallët e Kuvendit.
Por teksa kryetarja e Kuvendit tentoi të largohej dhe të futej në zyrën e saj nuk është lejuar.
“Dale një sekondë se nuk të gjen gjë. Parlament privat është ky?”, iu drejtua Bardhi, ndërkohë Garda ka ndërhyrë.
“Është Parlamenti i popullit”, iu kthyer Lindita Nikolla.
“Është Parlamenti i popullit, jo vila jote me lekët e korrupsionit. Dakord Të të vijë turp të të vijë”, iu drejtua Gazment Bardhi.
Pas kreu i Grupit të opozitës i bllokoi rrugën, kryeparlamentarja nuk hyri në zyrë por u largua.