Dy ministrat e rinj të kabinetit qeveritar “Rama 3” pasi u votuan në Kuvend gjatë ditës së sotme, janë betuar para Presidentit të Republikës, Bajram Begaj.
Bëhet fjalë për ministren e Shtetit për Sipërmarrjen dhe Klimën e Biznesit, Delina Ibrahimaj dhe ministrin e Financave, Ervin Mete.
Ditën e sotme në Kuvend u miratuan vendimet për lirimin e Delina Ibrahimajt nga detyra e ministres së Financave, për t’u emëruar në postin e ri.
Ndërsa pak ditë më parë u betuan 5 ministrat e tjerë, Igli Hasani si ministër për Europën dhe Punët e Jashtme, Ogerta Manastirliu ministre e Arsimit, Albana Koçiu ministre e Shëndetësisë, Anila Denaj zëvendësoi Frida Krifcën tek bujqësia. Ndërkohë Arbian Mazniku mori detyrën e ministrit të Pushtetit Vendor.
