Detaje të reja janë mësuar nga shpërthimi me tritol që tronditi mbrëmjen e sotme qytetin bregdetar të Vlorës, shpërthimi i parë me eksploziv në vendin tonë për vitin e ri 2022.
Mësohet se makina ka qenë e parkuar në të njëjtin vend prej kohësh, gjë e cila të bën të dyshosh se pronari nuk ndodhet në zonë për momentin, por ky ka qenë më tepër një sinjal paralajmërues për të.
“Nga komunikimi me banorët e lagjes, mësohet se makina ka disa ditë që është e parkuar në të njëjtin vend, gje e cila të bën të dyshosh se pronari nuk ndodhet në zonë për momentin. Ky informacion nuk është i konfirmuar ende“, raportoi gazetarja Afrovita Hysi nga qyteti i Vlorës.
Mesohet se lënda shpërthyese ka qenë e vendosur në pjesën e parë të makinës, dhe fatmirësisht nga shpërthimi nuk ka pasur njerez të dëmtuar por vetëm dëme materiale.
Më herët Fax News raportoi se makina e shpërthyer me tritol është në pronësi të shtetasit Benard Sinomataj.
Fax News sjell pamje të reja nga vendi i ngjarjes ku shihen hetuesit duke kqyrur automjetin tip Pasat, goma e parë e të cilit është shkatërruar thuajse fare.
NJOFTIMI
Vlorë/Informacion paraprak
Më datë 03.01.2022, rreth orës 18:30, në lagjen “Hajro Cakërri”, Vlorë, dyshohet se në pjesën e përparme të një automjeti tip” Volkswagen Pasat” , në pronësi të shtetasit B.S., ka shpërthyer një sasi e vogël lëndë plasëse, ku si pasojë ka vetëm dëme të vogla materiale. Automjeti ka shumë kohë i parkuar pasi pronari i mjetit prej kohësh ndohet jashtë shtetit.
Menjëherë në vendngjarje kanë shkuar forcat e Policisë dhe grupi hetimor ku vijon veprimet për sqarimin e rrethanave të ngjarjes, identifikimin dhe kapjen e autorit.
(E.H/Faxweb.al)
…
/faxweb
