Një ditë pas protestës së 9-të kombëtare të opozitës së bashkuar, kreu i PD-së, Lulzim Basha, mbajti sot një konferencë për mediat, ku ndër të tjera i bëri dhe një thirrje deputetëve ‘të ndershëm ët PS”.
“Unë u bëj thirrje njerëzve të ndershëm të Partisë Socialiste që të bëjnë presion për pastrimin e partisë së tyre nga ndikimi i krimit dhe figurat e krimit”, Tha Basha.
Më tej, kreu i demokratëve i bëri thirrje edhe qytetarëve, ndërsa tha se pushteti i tyre është shumë i madh, dhe se “nuk ka kriminel dhe politikan që mund t’i bëjë ballë”.
“Mbi të gjitha, u bëj thirrje të gjithë qytetarëve të ndershëm që të ushtrojnë gjithë presionin e tyre për të pastruar politikën nga kanceri i krimit që ka kapur qeverisjen dhe po shtrin metastazat e tij në çdo fushë të vendit.
Pushteti juaj është shumë i madh dhe para tij nuk ka kriminel dhe politikan që mund t’i bëjë ballë.
Unë dhe e gjithë opozita jemi me ju në këtë betejë jetike për të ardhmen Europiane të vendit.
Ora e Shqipërisë së gjithë shqiptarëve po afron.
Le t’i japim vendit dhe fëmijëve tanë ndryshimin e thellë dhe të vërtetë që meritojnë”, u shpreh kreu i PD-së.