Sipas Astrit Patozit, presidenti Ilir Meta po përpiqet të bëjë maksimumin që LSI të mos dëmtohet shumë në zgjedhjet e 25 prillit.
Duke e konsideruar Metën një politikan të stërvitur, kreu i BD-së tha këtë të hënë në emisionin “Quo Vadis” se Presidenti po e ndien që kundërshtari po e godet në mënyrën që t’i heqë mbështetjen.
“Ilir Meta ndjen që këneta e LSI-së ka ardhur duke u tharë. Ai ka indikacionet e veta por ndoshta edhe instiktin e tij prej politikani të vjetër, të stërvitur.
Ndjen që edhe kundërshtari po e godet në mënyrë që t’i heqë mbështetjen.
Është një lloj reagimi për t’i dhënë zemër të vetve dhe për të bërë maksimumin që dëmtimi i LSI-së në këto zgjedhje të jetë sa më i vogël.
Ky është reagimi i Ilir Metës. Sigurisht që Edi Rama e ka më të lehtë që të futet në plantacionet apo në xhunglën e LSI-së, duke qënë ky njeriu që e kontrollon pushtetin dhe duke pasur parasysh edhe vesin e vjetër të LSI-së që e ka me klering mbështjetjen apo mosmbështetjen politike.”
