Ditën e sotme Partia Demokratike ka denoncuar kreun e Bashkisë së Mallakastrës, se ka fshehur një dënim të marrë në Greqi, dhe për këtë i ka kërkuar prokurorisë që të kryejë verifikimet e rastit.
Sipas PD-së, në vitet 1999-2000, Qerim Ismailaj është dënuar dhe dëbuar nga Greqia.
I gjendur në varrimin e Drita Saliajt, e cila u vra nga nipi i burrit të saj, që kërkoi ti vidhte banesën, Qerimaj ka deklaruar për gazetarët se është i hapur ndaj çdolloj hetimi.
Ai ka deklaruar se në Greqi hyn pa asnjë problem, dhe ka shkuar jo më larg se para dy javësh, te motra e tij që banon në shtetin fqinj.
“Unë skam asnjë lloj dijenie, jam shumë i hapur për çdolloj verifikimi.
Nuk jam ndaluar në asnjë rast në shtetin grek. Unë kam motrën në Greqi, dhe ka pasur problemet e veta familjare, vaftisi djalin, dhe kam shkuar para dy javësh në shtetin grek, pa asnjë lloj problemi’” shpjegoi Qerimaj.
