Zëdhënësja e Partisë Demokratike, Ina Zhupa akuzoi kryetarin e Bashkisë së Tiranës Erion Veliaj se po zhduk provat e krimit tek Teatri me kompaninë e administratorit të Zall Herrit, Arben Maloku e cila po pastron mbetjet e krijuar nga shembja.
“Kompania Arb& Trans 2010 të cilën e denoncova ditën e djeshme me prova që me mjetet e saj po kryen pastrimin e shembjes së Teatrit Kombëtar aktualisht është në pronësi të Fatmir Firi. Vetë Fatmir Firi është nje nga biznesmenët të cilët ranë në pranga për 30 milionë euro evazion fiskal, në kuadër të operacionit “Informaliteti”, në muajin shtator të vitit 2019.
Kjo kompani deri në prill 2018 është zotëruar 100% në pronësi te Arben Malokut, njeriu i emëruar nga Veliaj në krye te njësisë administrative Zall-Herr. Maloku i shiti aksionet familjarit të tij, njeriut më të afërt, Fatmir Firit, pasi ligji e ndalon që në cilësinë e zyrtarit si administrator i Njësisë Zall Herr të ketë në zotërim aksionet e kompanisë dhe të merrte tendera publikë nga Veliaj” – shkruan Zhupa.
“Lidhjet e qarta nepotike, klienteliste, tregojnë menyren se si funksionon me nje telefon, pa ligj dhe rregulla Bashkia Tiranë dhe kryetari i emeruar Veliaj. Ndërkohe që Keshilli Bashkiak i Tiranës me vendimin fantazem vendosi që shëmbjen e Teatrit Kombëtar do e kryente Inspektorati i Mbrojtjes se Territorit prane Bashkisë Tiranë, aty ndodhen klientet e zakonshem te lidhur me pushtetin personal te Veliajt!
Bashkia e Tiranes sot është një institucion që s`ka asnjë lidhje me zbatimin e ligjit, por vetem zbaton porosite e Veliajt me lidhjet e tij klientileste!” – shkruan zëdhënësja e PD.
