Diskutimi i buxhetit të vitit 2023 për agjencinë e mbrojtjes policore, në komisionin e sigurisë, nuk shkoi ashtu siç pritej.
Përfaqësuesit e opozitës akuzuan kreun e AMP, Ardi Veliu, për manipulim të ngjarjeve kriminale.
NASIP NAÇO
DEPUTET, PS
Kuvendi ose komisionet nuk mund të diskutojë çështje që nuk janë në rendin e ditës.
GAZMENT BARDHI
DEPUTET, PD
Sillini një abetare mo. Ku ka rregullore këtu? Rregullorja ka këtë gjë, ky ka vrarë njerëz, ka manipuluar ngjarje ju thoni do vijojmë me rendin. Fyerje në këtë vend është të manipulosh ngjarje kriminale, vriten të ri këtu, vriten njerëz atje dhe të manipulosh ngjarje kriminale. Keni sjellë një dokument i cili është totalisht i prodhuar si dokument analfabetësh. Pse keni frikë nga fjala, këtu ça s’ka ndodhur ne do rrijmë sikur s’ka ndodhur asgjë.
FLAMUR NOKA
DEPUTET, PD
Standardi juaj është që kriminelët t’i bëni drejtor që krimi të jetë mbi pushtet, por ky nuk është standard i shqiptarëve, i opozitës dhe ne refuzojmë që një kriminel me uniform, ta pranojmë si titullar që të na raportojë këtu në emër të ligjit, ai duhet të ishte viktimë e ligjit.
Deputeti Noka e bëri përgjegjës Ardi Veliun për disa ngjarje të rënda.
FLAMUR NOKA
DEPUTET, PD
Është manipuluar ngjarja e Elbasanit me fakte dh eprova me zë dhe me figurë, është manipuluar vrasja e Klodian Rashës dhe u etiketua si armik, si kriminel iu vu dhe arma në dorë. Pa u bërë disa orë nga vrasja e Laer Kurtit, vrapoi po ky person që të manipulojë ngjarjen e ta shpallë kriminel të vdekurin.
Të irrituar, deputetët e opozitës braktisën mbledhjen
Vetëm pas largimit të opozitës, Veliu foli për buxhetin, duke thënë se vendimtar është investimi në fushën e teknologjisë pas sulmeve kibernetike.
