Partia Demokratike reagoi sërish në lidhje me akuzat se kryeministri pagoi 100 mijë euro për një udhëtim në fundjavë me charter drejt Francës.
Këshilltari i Kryeministrit Edi Rama, Endri Fuga sqaroi se udhëtimi u krye për arsye pune.
Por sipas PD-së, kreu i qeverissë duhet që të tregojë se përse ishte në Francë me charter privat.
“E turpshme është që Edi Rama të harxhojë me mijëra euro për luksin personal, kur shqiptarët i ka lënë në pikë të hallit. E turpshme është që Edi Rama te udhëtojë si hajdut me charter personal dhe ta mbajë të fshehtë arsyen. E turpshme është të justifikosh luksin dhe vjedhjen e Ramës, duke akuzuar opozitën që zbuloi të vërtetën e udhëtimit në fundjavë prej 100 mijë euro me avion privat. Edi Rama nuk mund të fshihet. Ai ka udhëtuar me avion privat në fundjavë në Francë. Pse?”, ishte reagimi i PD-së.
