Indrit Sefa, sekretari për Çështjet Ligjore në PD zyrtare ka akuzuar ditën e sotme se ministri për pushtetin vendor, Arbjan Mazniku dhe këshilltari i kryeministrit, Endri Fuga janë të përfshirë në një skemë të ngjashme ai ajo e “5D”.
Në një deklaratë për mediat, Sefa shprehet se kompania 3I-Solution, ka si pronar burrin e motrës të administratorit të restorantit “The Home”. Ky restorant është në pronësi të ministrit Arbian Mazniku dhe këshilltarit të Ramës, Endri Fuga, ndërsa ka fituar nga Bashkia e Tiranës plot 4 tendera me vlerë qindra milionë eurosh.
“Arbjan Mazniku si zëvendës i Erion Veliaj sëbashku me Endri Fugën këshilltarin e besuar të Edi Ramës, në pikun e pandemisë COVID 19, ku asnjë qytetar nuk lejohej të dilte nga shtëpia, blenë restorantin “The Home” dhe pronarin që e shiti këtë biznes e lënë përsëri administrator të tij. Familjari i administratorit të restorantit të Maznikut dhe Fugës ka marrë 4 tendera nga Erjon Veliaj dhe bashkëhajdutët e tij. Kompania 3I-Solution ka marrë tender 50 milionë nga Ujësjellesi i Tiranës i drejtuar nga Redi Molla në vitin 2020. Po i njëjti Redi Molla pasi shkon si administrator te kompania e bashkisë, Tirana DC, i jep përsëri tender prej 700 milionësh burrit të motrës së administratorit të Arbjan Maznikut dhe Endri Fugës.
Mazniku si nënkryetar bashkie i ka dhënë kompanisë 3I-Solution, pra burrit të motrës së administratorit të basenit të tij, një tender prej 105 milionësh që në janar të vitit 2022 si dhe duke mos e lënë me kaq, në qershor të të njejtit vit Ujësjellësi i Tiranës i ka dhënë përsëri një tender prej 20 milionësh të njëjtës kompani.
Kompania 3I-Solution ka fituar gjithsej 4 tendera publik dhe të gjithë tenderat i ka përfituar në bashkinë e Tiranës dhe në ndërmarrjet në varësi të saj, të cilat kontrollohen nga Erion Veliaj. Kjo kompani ka një rekord të jashtëzakonshëm, të gjitha kompanitë e tjera që kanë konkurruar me të janë skualifikuar. Në të gjitha tenderat publik ku ka konkurruar kompania 3I-Solution sh.p.k asnjë konkurrent i saj nuk është kualifikuar duke e bërë këtë kompani të vetme në garë”, theksoi Sefa.
DEKLRATË E PLOTE E INDRIT SEFES
Skema është e njëjtë. 5D nuk është fenomon i izoluar, e gjithë bashkia vjedh njësojë, madje dhe me mbështetje të Edi Ramës. Trajtimi i insitucioneve publike si plaçkë personale dhe tjetërsimi i fondeve në xhepat e funksionarëve të lartë, është frymëzuar dhe bekuar nga Edi Rama. Promovimi i zëvendësit të Erion Veliajt si ministër i Ramës, tregon qartësisht që këta janë bashkërisht pjesë të kësaj skeme të tmerrshme korrupsioni.
Arbjan Mazniku si zëvendës i Erion Veliaj sëbashku me Endri Fugën këshilltarin e besuar të Edi Ramës, në pikun e pandemisë COVID 19, ku asnjë qytetar nuk lejohej të dilte nga shtëpia, blenë restorantin “The Home” dhe pronarin që e shiti këtë biznes e lënë përsëri administrator të tij.
Familjari i administratorit të restorantit të Maznikut dhe Fugës ka marrë 4 tendera nga Erjon Veliaj dhe bashkëhajdutët e tij. Kompania 3I-Solution ka marrë tender 50 milionë nga Ujësjellësi i Tiranës i drejtuar nga Redi Molla në vitin 2020.
Po i njëjti Redi Molla pasi shkon si administrator te kompania e bashkisë, Tirana DC, i jep përsëri tender prej 700 milionësh burrit të motrës së administratorit të Arbjan Maznikut dhe Endri Fugës.
Mazniku si nënkryetar bashkie i ka dhënë kompanisë 3I-Solution, pra burrit të motrës së administratorit të basenit të tij, një tender prej 105 milionësh që në janar të vitit 2022 si dhe duke mos e lënë me kaq, në qershor të të njëjtit vit Ujësjellësi i Tiranës i ka dhënë përsëri një tender prej 20 milionësh të njëjtës kompani.
Kompania 3I-Solution ka fituar gjithsej 4 tendera publik dhe të gjithë tenderat i ka përfituar në bashkinë e Tiranës dhe në ndërmarrjet në varësi të saj, të cilat kontrollohen nga Erion Veliaj.
Kjo kompani ka një rekord të jashtëzakonshëm, të gjitha kompanitë e tjera që kanë konkurruar me të janë skualifikuar. Në të gjitha tenderat publik ku ka konkurruar kompania 3I-Solution sh.p.k asnjë konkurrent i saj nuk është kualifikuar duke e bërë këtë kompani të vetme në garë. Skema është e njëjtë. Erion Veliaj nuk është vetëm.
Ai udhëhiqet dhe drejtohet nga mentori i tij Edi Rama. Edi Rama i dërgon njërzit për të drejtuar bashkinë e tij. Edi Rama i bën politikat e betonizimit të Tiranës, Edi Rama ja promovon hajdutët e devotshëm të Erion Veliajt duke i bërë ministra.
Aksi i bulevardit bashki-kryeministri është i gjithi një skenë krimi, që fillon me inceneratorët dhe shtrin tentakulat e korrupsionit në të gjithë jetën ekonomike të vendit.
Partia Demokratike ka kallëzuar në SPAK Edi Ramën dhe Erion Veliajn si pronarët faktik të Inceneratorit të Tiranës i cili u pohua publikisht nga bashkëhajduti tjetër në kërkim ndërkombëtar Arben Ahmetaj.
Faktet e reja tregojnë qartë që skema e vjedhjes 5D është bërë me bekimin e Edi Ramës dhe me realizimin e Erion Veliajt. Edi Rama është nona e korrupsionit, ndërsa Veliaj, Ahmetaj, Beqja, Mazniku, Fuga, Qato, Tusha, Molla, dhe të gjithë hajdutët e tjera janë pjesë e haremit të tij pervers për të vjedhur shqipërinë. Partia Demokratike e Shqipërisë i bën thirrje SPAK që në mënyrë imediate të shtrijë hetimet në këtë skemë korrupsioni e cila është e frymëzuar nga Edi Rama dhe e zbatuar nga ushtarët e tij, Erion Veliaj me bashkëhajdutët e tjerë.
Partia Demokratike i bën thirrje të gjithë qytetarëve si dhe kompanive private të cilët janë viktimë e padrejtësive dhe nuk i drejtohen personalisht organeve të drejtësisë, të paraqesin çdo informacion që ata disponojnë në Partinë Demokratike e cila do të vendosi në dispozicion të gjithë burimet njërzore që ajo disponon për të çuar përpara drejtësisë çdo funksionarë që abuzon me detyrën shtetërore në dëm të qytetarëve.