Partia Demokratike e Kosovës (PDK) po vazhdon edhe sot aksionet simbolike para ndërtesës së Qeverisë së Kosovës.
Përmes këtij aksioni, PDK-ja po kërkon nga kryeministri në detyrë, Albin Kurti, që të ndërmarrë hapa për konstituimin e Kuvendit të Kosovës.
Në aksionin e sotëm janë të pranishëm edhe asamblistë të PDK-së nga Lipjani, si dhe deputetë nga Aleanca.
PDK-ja ka zhvilluar edhe më herët aksione të ngjashme para institucioneve, duke kundërshtuar situatën e krijuar nga moskonstituimi i Kuvendit.