Sipas një analize të Pentagonit të publikuar së fundmi, grupi terrorist PKK po koordinohet me grupet e milicisë të mbështetur nga Irani kundër forcave turke në Irakun verior.

Inspektori kryesor i përgjithshëm i koalicionit anti-DEASH të udhëhequr nga SHBA-ja tha në një raport tremujor të botuar të martën se militantët e mbështetur nga Irani kanë “shtuar së fundmi sulmet kundër forcave turke në Irak dhe Siri”, ndërsa Agjencia e Inteligjencës së Mbrojtjes (DIA) ka vlerësuar që “milicitë ndoshta do të vazhdojnë të koordinohen me PKK-në”.

“Pas sulmeve ajrore turke në shkurt që shënjestruan PKK-në në Irakun verior, një grup i ri i milicisë i lidhur me Iranin kreu një sulm me raketa kundër një baze ekspedite turke në veri të Mosulit”, thuhet në raportin e deklasifikuar.

“DIA tha se milicitë ndoshta llogarisin se sulmet e tyre kundër Turqisë do ta pengojnë Turqinë nga sulmi i PKK-së në Irakun federal duke rritur imazhin e tyre publik si mbrojtës të sovranitetit të Irakut”, shtoi raporti.
Burimi: AA