Prej vitesh një dilemë e madhe është tek tifozët, të cilët bëjnë pyetjen se cili është më i mirë në historinë e futbollit Lionel Messi apo Kristiano Ronaldo? Palët preferojnë të lartësojnë yllin të cilin admirojnë në klubet përkatëse, por askush nuk i mohon arritjet e këtyre dy futbollistëve të mëdhenj.
Një rivalitet në fushë mes tyre në më shumë se 10 vjet, por jashtë saj një miqësi e cila lë për të dëshiruar . Numëri 7 i Juventusit, Ronaldo, dhe kapiteni i Barcelonës, Messi, së bashku në karrierën e tyre kanë shënuar 1462 gola, teksa kanë fituar 11 herë Topin e Artë.
Liga e Kampionëve i sjellë sërish kundër njëri tjetrit, në sfidën Barcelona – Juventus, e vlefshme për xhiron e gjashtë të fazës së grupeve.
Më poshtë janë disa nga statistikat dhe rekordet e Ronaldos dhe Messit:
Ronaldo – Messi
Ndeshje të luajtura: 1029 – 886
Gola në karrierë: 750 – 712
Asistime të dhëna: 221 – 300
Gola në Ligën e Kampionëve: 132 – 118
Top golashënues në Ligën e Kampionëve: 7 – 6
Trofe me klub: 30 – 34
Trofe të Ligës së Kampionëve: 5 – 4
Topin e Artë: 5 – 6
Vlera në merkato e arritur ndonjëherë sipas “Transfermarkt” nga dy yjet e futbollit ka qenë e lartë, ku Messi ka kapur shifrën e 180 milion euro në vitin 2018, kurse Ronaldo ka shkuar në çmimin e 120 milion eurove.
(E.G/Faxweb.al)
/faxweb