Ish-kryeministri Sali Berisha në mbledhjen e Kryesisë së PD u shpreh se beteja do të jetë pa kthim, ndërsa u shpreh se mosbindja civile do të vazhdojë.
Berisha theksoi se cdo demokrat do të përballet me këtë regjim, që sic tha ai po diskreditohet cdo ditë e më shumë.
“Kjo është mbledhja e para e PD pas kuvendit të partisë ku ne votuam një rezolutë si program pune për PD, si detyrim programor i kryesisë dhe këshillit kombëtar, anëtarësisë në qëndrimet, përpjekjet tona në përballjen tonë me këtë regjim, i cili defakto po diskreditohet cdo ditë e më shumë, por nga ana tjetër po bën cdo përpjekje për tu mbajtur në pushtet me cdo kusht.
Rezolutën që miratuam në kuvend, përcakton shumë qartë të gjitha qëndrimet që ne duhet të përmbajmë për të përmbushur misionin tonë, të vështirë, por jetik për fatin e Shqipërisë të demokracisë shqiptare.
Është themelore që çdo anëtar i kryesisë së PD, çdo anëtar i këshillit kombëtar të PD, çdo delegat i Kuvendit Kombëtar, çdo drejtues dege dhe anëtar kryesie të degëve tona të përputhin qëndrimet e tyre me këtë rezolutë, e cila ka shpallur se lajtmotiv betejën pa kthim dhe mosbindjen civile.
E vërteta është që që këtu fillon puna jonë, sepse njerëz që lëvizin lirshëm, që ushtrojnë aktivitet biznesi, shesin blejnë krijojnë prodhojnë nuk e kanë të thjeshtë të konceptojnë se Shqipëria është në një diktaturë. Por këtyre qytetarëve, këtyre politikanëve, mbështetësve dhe kundërshtarëve u rikujtoi se koha ka faktuar në mënyrë përfundimtare, nuk na ka lënë ne që të analizojmë se diktatura ekzistojnë edhe në tregun e lirë, se diktaturat ekzistojnë edhe me lëvizjen e lirë”, tha Sali Berisha.
