Pasi u mësuan katër skuadrat gjysmëfinaliste të “Copa del Rey”, Kupa e Mbretit në Spanjë për këtë sezon, shorti i hedhur ka rezervuar përballje spektakolare në fazën gjysmëfinale të turneut.
Atletico Madrid do të përballet me Barcelonën, ndërsa çifti tjetër gjysmëfinalist do të jetë derbi bask Athletic Bilbao – Real Sociedad.
Ndeshjet e para gjysmëfinale do të zhvillohen javën e ardhshme në Madrid dhe Bilbao (11 dhe 12 shkurt), ndërsa takimet e kthimit janë planifikuar për javën e parë të muajit mars në Barcelonë dhe ‘San Sebastian’ (3 dhe 4 mars).
Dy duelet pritet të dhurojnë emocione të forta, me katër ekipe që synojnë finalen e madhe të Kupës së Mbretit.
