Përfaqësuesi i Përhershëm i Palestinës në Kombet e Bashkuara (OKB), Riyad Mansour, tha se Gaza aktualisht është ferri i tokës.
Mansour foli në takimin e urgjent të Këshillit të Sigurimit të OKB-së, ku u diskutua për situatën në Lindjen e Mesme.
Duke deklaruar se rreth 2,3 milionë palestinezë në Gaza u janë nënshtruar vuajtjeve që askush nuk duhet t’i vuajë, Mansour tha: “Palestinezët janë të rrethuar dhe po bombardohen”.
“Për momentin Gaza është ferri i tokës”, tha Mansour.
Duke thënë se “për OKB-në sot të shpëtosh njerëzimin nga ferri do të thotë të shpëtosh palestinezët nga Gaza”, Mansur gjithashtu tha se gjysma e shtëpive në Gaza u dëmtuan ose u shkatërruan nga sulmet ajrore izraelite.
Mansur theksoi se pothuajse të gjithë banorët e Gazës u zhvendosën për shkak të sulmeve.
Ai tha se njerëzit po flinin në automjete ose në rrugë dhe “ata vriten kudo që të shkojnë” dhe se numri i vdekjeve në Gaza po rritet çdo minutë.
Mansur deklaroi se palestinezët “përballohen me vdekjen ditë e natë” dhe u bëri thirrje vendeve anëtare të ndërmarrin veprime për të ndaluar sulmin.
Izraeli tani e tutje do të marrë pjesë në mbledhjet e KS të OKB-së i veshur me një yll të verdhë
Përfaqësuesi i Përhershëm i Izraelit në OKB, Gilad Erdan, tha se tani e tutje, ai do të marrë pjesë në mbledhjet e KS të OKB-së i veshur me “yllin e verdhë”, i cili është simbol i Holokaustit dhe të cilin hebrenjtë janë të detyruar ta veshin për t’u njohur.
“Ne do ta veshim këtë yll derisa të zgjoheni dhe të dënoni shtypjen e Hamasit”, tha Erdan.
Erdan gjithashtu krahasoi administratën e udhëheqësit iranian Ayatollah Ali Khamenei me “regjimin e Adolf Hitlerit” dhe tha: “Ashtu si regjimi nazist, regjimi i Ajatollahut sjell vdekje dhe shkatërrim kudo”.
Nga ana tjetër, Përfaqësuesi Special i Sekretarit të Përgjithshëm të OKB-së për Sirinë, Geir Pedersen, tha se Siria “po përballet me tension më të gjerë” për shkak të konfliktit izraelito-palestinez.
Pedersen përmendi sulmin ajror në aeroportin e Halepit në Siri, i cili dyshohet se është kryer nga Izraeli, dhe deklaroi se konflikti që filloi më 7 tetor “u përhap në Siri”.
Burimi: AA
