Twitter ka bllokuar llogarinë e ambasadës kineze në SHBA, për shkak të një postimi në të cilin mbronte politikën kineze ndaj ujgurëve në rajonin e Xinjiang, për të cilën platforma tha se shkelte politikën e kompanisë për “dehumanizimin”.
Në një postim të botuar më parë në janar, ambasada kineze në Uashington tha se gratë ujgure nuk ishin më “makina për lindjen e fëmijëve”, duke cituar një studim të botuar në shtetin kinez China Daily.
Cicërima u hoq dhe u zëvendësua me një mbishkrim ku thuhej se nuk ishte më i disponueshëm.
Që nga 9 janari, asnjë postim i ri nuk është postuar në këtë llogari.
Akuzat për gjenocid në Xinjiang
Ndodhi kjo një ditë pasi administrata e Donald Trump, në ditët e fundit të udhëheqjes së tij amerikane, akuzoi Kinën për gjenocid ndaj pakicës muslimane, një pozicion dhe i Presidentit Joe Biden.
Administrata e re nuk iu përgjigj menjëherë një kërkese për koment mbi lëvizjen e Twitter-it.
“Ne morëm masa pas një cicërimë që shkel politikën tonë të dehumanizimit, e cila thotë: Ne ndalojmë çnjerëzimin e një grupi njerëzish për shkak të fesë, moshës, aftësisë, sëmundjeve serioze, origjinës kombëtare, racës ose etnisë së tyre”, tha një zëdhënës i Twitter-it.
Twitter është bllokuar në Kinë, por është një platformë gjithnjë e më e popullarizuar për diplomatët kinezë dhe mediat shtetërore.
Kombet e Bashkuara pretendojnë se në rajonin e Xinjiang, të paktën një milion ujgurë dhe anëtarë të komuniteteve të tjera të pakicave muslimane janë ngujuar forcërisht në kampe.
