Presidenti Ilir Meta zhvilloi sot homazhe dhe vendosi kurora me lule te shtatorja e Ismail Qemalit pranë Kuvendit të Shqipërisë për të përkujtuar 100 vjetorin e vdekjes së tij.
Në një prononcim për mediat, Meta vlerësoi rolin e babait të kombit në themelimin e shtetit modern.
“Sot është momenti jo vetëm të përkulemi para veprës së tij por edhe të angazhohemi për forcimin e shtetit shqiptar, ruajtjen dhe lartësimin e simboleve tona kombëtare por njëkohësisht edhe për përmbushjen e ëndrrës së tyre për një Shqipëri plotësisht europiane“.
