Sali Berisha, që është në hall ta madh me amerikanët, pasi e kanë shpallur non grata, është duke u përpjekur me të gjitha forcat që të tregojë se ai në fakt, ka lidhje të forta me SHBA dhe ka qenë njeriu i Amerikës në Shqipëri.
Ndërsa një ditë më parë akuzuan Ambasadën amerikane në Tiranë, se kishin retushuar Sali Berishën nga fotot e vizitës së sekretarit amerikan Bejker në Tiranë 30 vite më parë, sot familja Berisha ka botuar fjalimin e Bejkerit në Kuvendin e Shqipërisë.
Portali i familjes Berisha thotë se po e boton këtë fjalim të pacensuruar, a thua se e ka botuar njeri tjetër dhe e kanë censuruar, për të fshirë Berishën.
Por perla e kësaj përpjekje dëshpëruese e familjes Berisha, është titulli i vendosur në shkrim:
“Bejker para shqiptarëve: Doktor Berisha më ftoi të vizitoja Shqipërinë dhe unë erdha sa më shpejt kisha mundësi”.
Problemi është se Sali Berisha dhe familja e tij nuk akuzohen për anti-amerikanë, që po përpiqen me të gjitha forcat për të treguar se janë pro-amerikanë të çmendur.
Ata akuzohen si një familje e korruptuar, që kanë përdorur pushtetin e Sali Berishës për t’u pasuruar.
Akuzohen edhe se kanë minuar demokracinë shqiptare, për interesat e tyre personale dhe të aleatëve.
Ndaj është e kotë të na paraqiten si një familje pro-amerikane.
Janë thjesht një familje e korruptuar, dhe për këtë duhet të përgjigjen!
(TemA)
