Jemin Gjana thotë se kandidatët për kryetar të PD-së nuk mund ta marrin listën e anëtarëve që do të votojnë më 13 qershor, pasi nuk e lejon Bashkimin Europian.

Sipas tij, listën e anëtarëve të PD-së e ka vetëm personi që merret me mirëmbajtjen e internetit në parti, dhe sekretari i PD-së.

“Ky është një debat që nuk është sot. Ishte më shumë në 2017. Ne jemi vend që kemi nënshkruar marrëveshjen e stabilizim asociimit në 2006, demokratët e nënshkruan.

Që nga ai moment Shqipëria ka detyrime për të përputhur legjislacioni me ato të vendeve të BE. Kemi një ligj të hartuar në 2008 për mbrojtjen e të dhënave personale. Jemi të detyruar ta respektojmë. PD është organizatë dhe nuk është e pritur ta thyejë këtë ligj.

Ne po respektojmë këtë ligj. Kërkesat e ligjit janë: është përcaktim i standarde evropiane të dhënat personale të një individi konsiderohen sensitive dhe personale, si të dhanë me përkatësinë etnike, racore, politike, fetare etj. këtë listë e ka një sektor që quhet sektori i Teknologjisë së informacionit.

Nuk e ka as unë, as kryetari. Kemi një punonjës IT, ky dhe sekretari organizativ i PD janë njerëzit përgjegjës për të hyrë në sistem. Këshilli Kombëtar i PD ka përcaktuar personin që është përgjegjës. Ato janë futur në sistem. Nëse këta njerëz nxjerrin këto lista ndodhen përpara një përgjegjësie ligjore,” deklaro ai për ABC News.

Subscribe kanalin tonë në Youtube për të mos humbur asnjë video të re