Kryetari i Partisë Demokratike dhe gafat duket se janë një binom i pandashëm.
Pak ditë më parë Basha ngatërroi datën e përfundimit të pelegrinazhit në Kishën e Laçit, ndërkohë që ditën e sotme gjatë një vizite në Gjirokastër, ka ngatërruar vendlindjen e Musine Kokalarit.
Gjatë vizitës në shtëpinë e Kokalarëve, Basha tha se Musine Kokalari kishte lindur aty, por menjëherë u korrigjua nga gruaja që e shoqëronte, që i tha kryedemokratit se vendlindja e Musine Kokalarit është Adana në Turqi.
Basha: Musine Kokalari ka lindur këtu, këtu ka lindur, këtu është rritur.
Shoqëruesja: Jo, Musine Kokalari ka lindur në Adana.
Basha: Po, po e vërtetë, ka lindur në Turqi. Musine Kokalari do ngrihet në piedestal, qeveria e la shtëpinë në pluhurin e harresës. Musine Kokalari është simbol i qëndresës dhe i papërkulshmërisë.
