Tre të rinj nga Lezha i shpëtuan mrekullisht një aksidenti në Kukës të ndodhur mesditën e së premtes. Mjeti tip “ford” me të cilin ata udhëtonin doli nga rruga e u përmbys. Sipas policisë shkak dyshohet se u be shpejtësia tej normave të lejuara me të cilën udhëtonin të rinjtë. Të plagosurit janë Aleksandër Tanushi 26-vjeç, Fatjon Bregu 25-vjeç e Mark Tanushi 27-vjeç. Për shkak të plagëve ata u dërguan ne spitalin rajonal të Kukësit jashtë rrezikut për jetën. Vendi ku ndodhi aksidenti është një pike e rrezikshme, pasi ka fushë pamje të kufizuar dhe kthesa te forta, të cilat në jo pak raste janë bere shkak për aksidente.
