Reshjet e dendura kanë përfshirë qytetin e Valencias në Spanjë, duke shkaktuar përmbytje në rrugë, ndërprerje të transportit dhe ndërhyrje të shërbimeve të emergjencës. Autoritetet kanë paralajmëruar për rrezikun nga reshjet e forta dhe u kanë bërë thirrje qytetarëve të shmangin udhëtimet e panevojshme.
Reshjet kanë shkaktuar gjithashtu probleme të mëdha me transportin publik. Disa linja të transportit janë pezulluar, ndërsa aktiviteti në aeroport është prekur për shkak të kushteve të vështira atmosferike. Fluturime të ndryshme janë devijuar ose janë përballur me vonesa.