Të paktën katër persona kanë vdekur në Slloveni nga shirat e rrëmbyeshëm dhe përmbytjet që kanë shkaktuar dëme të pallogaritshme në të gjithë vendin.

Tre persona u gjetën të vdekur të premten, ndërsa personi i katërt u raportua i vdekur nga mediat sllovene të shtunën.

Mes të vdekurve ishin dy alpinistë holandezë që vdiqën në malet pranë Kranj të premten.

Një grua është raportuar se ka vdekur të premten si pasojë e përmbytjeve në qytetin e Kamnikut. Autoritetet gjetën gjithashtu trupin e një burri në periferi të Lubjanës të shtunën. Të paktën pesë qytetarë holandezë janë zhdukur mes kushteve ekstreme të motit.

Mijëra njerëz u detyruan të evakuoen shtëpitë e tyre dhe shumë u dërguan nga ekipet e shpëtimit në vende më të sigurta me helikopterë dhe varka.

Moti ekstrem që mbizotëroi të premten filloi të ulet të shtunën dhe autoritetet filluan të vlerësojnë shkallën e dëmit.

Kryeministri Robert Golomb tha se përmbytjet kishin shkaktuar dëme materiale prej 550 milionë euro.

“Kjo është fatkeqësia më e keqe natyrore në historinë 30 vitevetë Sllovenisë. Ajo ka prekur dy të tretat e vendit,” tha ai të shtunën pasi mori pjesë në një takim të Këshillit të Sigurisë Kombëtare.

Reshjet e dendura të shiut shkaktuan dëme të shumta që çuan në shembjen e të paktën tre urave dhe prekën kryesisht rrugët dhe infrastrukturën energjetike të vendit.

Seksione të mëdha rrugësh u zhytën nën ujë duke ndikuar rëndë transportin dhe aksesin në fshatra.

 

Subscribe kanalin tonë në Youtube për të mos humbur asnjë video të re

ARTIKUJ TË NGJASHËMMË SHUMË NGA AUTORI