Një i ri nga Vlora është arrestuar këtë të enjte nga policia pasi ka vijuar të përndjekje ish të fejuarën e tij edhe pas ndarjes.
Jo vetëm kaq, por sic bën të ditur policia, 27 vjecari tentonte vazhdimisht t’i prishte imazhin vajzës duke hapur llogari me emrin e saj në rrjetet sociale.
Tani, shtetasi me iniciale S.K. duhet të përgjigjet para drejtësisë për dy vepra penale, “Përndjekje” dhe “Ndërhyrje pa të drejtë në jetën private”.
Njoftimi i policisë:
Në vijim të punës intensive për kapjen e shtetasve të cilët kryejnë vepra të ndryshme penale, Policia ka bërë ndalimin e shtetasit:
S.K., 27 vjeç, banues në Vlorë.Ndalimi i tij u bë pasi nga hetimet e kryera ka rezultuar se shtetasi S.K, për motive të dobëta ka përndjekur ish të fejuarën e tij dhe ka hapur adresa të rreme në rrjetet sociale, me qëllim prishjen e imazhit të saj.Materialet iu referuan Prokurorisë në ngarkim të shtetasit S.K për veprat penale “Përndjekja” dhe “Ndërhyrje pa të drejtë në jetën private”.
