Përplasen dy makina në aksin Shkodër-Lezhë, humb jetën njëri nga shoferët dhe plagoset rëndë tjetri

aksident-3.jpg

Ndajeni këtë artikull me të tjerë duke klikuar ikonat më poshtë

Një aksident me pasojë vdekjen ka ndodhur mëngjesin e sotëm në aksin rrugor Shkodër-Lezhë, në vendin e quajtur “Kryqëzimi i Dajçit “.

Makina me drejtues shtetasin Zyhdi Meti, është përplasur me automjetin me drejtues Vilson Tola, ku për pasojë ka ndërruar jetë drejtuesi i mjetit shtetasi Zyhdi Meti dhe ka mbetur i plagosur shtetasi Vilson Tola. Ky i fundit ka marrë dëmtime dhe është dërguar në spitalin e Traumës në Tiranë për mjekim më të specializuar.

Paraprakisht dyshohet se shkak i aksidentit me vdekje është bërë parakalimi i gabuar i mjetit me drejtues shtetasin Vilson Tola.

Nga aksidenti është bllokuar superstrada Lezhë-Shkodër dhe është devijuar qarkullimi i mjeteve në rrugë dytësore.

Ndajeni këtë artikull me të tjerë duke klikuar ikonat më poshtë