Një aksident ka ndodhur rreth orës 12:00, në aksin “Pogradec-Qafë Thanë”.
Dy mjete janë përplasur me njëra-tjetrën dhe për pasojë kanë mbetur të lënduar 2 drejtuesit dhe 3 pasagjerë.
Të lënduarit janë dërguar në spital për ndihmë mjekësore, ndërsa grupi hetimor ka nisur punën për zbardhjen e rrethanave të ngjarjes.
Njoftimi i policisë:
Pogradec/Informacion paraprak
Rreth orës 12:00, në aksin “Pogradec-Qafë Thanë”, automjeti tip “Volksëagen” me drejtues shtetasin I. R. është përplasur me automjetin tip “Benz” me drejtues shtetasin P. G.
Nga aksidenti janë dëmtuar 2 drejtuesit e automjeteve dhe 3 pasagjerë në automjetin tip “Volksëagen”, të cilët po marrin mjekim në spital.
Grupi hetimor po punon për sqarimin e rrethanave dhe përcaktimin e shkakut të aksidentit.