Dy aeroplanë pasagjerësh u përplasën në një aeroport në qytetin rus të Surgut, 2,000 kilometra në veri-lindje të Moskës.
ATR-72 ishte në mirëmbajtje të rregullt në kohën e aksidentit, por me motorët e ndezur. Për një arsye të panjohur, ai papritmas filloi të lëvizte, dhe ndaloi vetëm kur goditi Yak-40, raporton RT.
Media njoftoi se të dy avionët pësuan dëme, por që, për fat të mirë, askush nuk u lëndua. Në kohën e aksidentit nuk kishte asnjë person në të dy avionët. Megjithëse autoritetet ende po hetojnë rrethanat e përplasjes, një prokuror vendas sheh një dështim të frenimit si një shkak të mundshëm të përplasjes.
Një incident i ngjashëm ndodhi në Aeroportin Sheremetyevo të Moskës vitin e kaluar. Pastaj cisterna e karburantit u përplas me Aitrbus 321 në të cilin gjithashtu, për fat të mirë, nuk kishte asnjë person.