Përplasje të dhunshme janë shënuar pranë ambasadës amerikane në Liban, në protestën e fundit kundër vendimit të Presidentit Donald Trump për të njohur Jerusalemin si kryeqytetin e Izraelit, shkruan .
Forcat e sigurisë hodhën gaz lotsjellës dhe ujë për të detyruar protestuesit që valëvisnin flamujt pranë ambasadës në veri të kryeqytetit Bejrut, që të tërhiqeshin.
Gjatë natës Liga Arabe dënoi vendimin e SHBA-së për të njohur Jerusalemin si kryeqytetit të Izraelit.
Liga Arabe tha se tashmë nuk mund të luante rolin e ndërmjetësit të paqes në Lindjen e Mesme.
Protestuesit hodhën gurë dhe vunë zjarrin pranë ambasadës në lagjen Awkar.
Forcat e sigurisë kishin bllokuar rrugën kryesore që të çonte në kompleksin e madh të ambasadës, ndërsa mediet lokale raportuan se disa protestues ishin përpjekur që të thyenin hyrjen në kompleks, duke u ngjitur mbi telat me gjëma.
Protestuesit, shumica e të cilëve të veshur me të zeza dhe shirit të bardhë, këndonin slogane denoncuese ndaj Trump.
Libani është shtëpia e qindra mijëra refugjatëve palestinezë, duke përfshirë ata që ikën nga Izraeli pasi u themelua dhe pasardhësit e tyre.
Por kjo nuk ishte e vetmja demonstratë, pasi njerëz të shumtë protestuan edhe jashtë Ambasadës amerikane në kryeqytetin indonezian, Xhakarta, disa prej të cilëve me parulla ku lexohej “Palestina është në zemrat tona”.
