Deputeti i Partisë Demokratike, Tomor Alizoti nëpërmjet një postimi në rrjetet sociale ka reaguar për përvjetorin e masakrës së Reçakut ku u vranë 45 persona të pafajshëm.
Alizoti shkruan se ky akt i tmerrshëm, pjesë e gjenocidit serb ndaj popullatës së Kosovës, do të mbetet një shenjë e paharrueshme e brutalitetit dhe dhunës.
Ai shton se kujtimi për viktimat e kësaj masakre dhe përpjekjet e tyre për liri do të jenë gjallë gjithmonë në zemrat tona.
Reagimi i plotë:
Si deputet i Kuvendit të Shqipërisë, sot në përvjetorin e masakrës së Reçakut, ndjej një dhimbje të thellë dhe ngushëllime për të gjithë ata që u prekën nga kjo tragjedi.
Ky akt i tmerrshëm, pjesë e genocidit Serb ndaj popullatës civile të Kosovës, do të mbetet një shenjë e paharrueshme e brutalitetit dhe dhunës.
Kujtimi për viktimat e kësaj masakre dhe përpjekjet e tyre për liri do të jenë gjithmonë të gjallë në zemrat tona. Le të kujtojmë me nderim të rënët dhe të punojmë për një të ardhme!