Kombinimi i frutave dhe qumështit mund të duket tërheqës, por mund të ketë efekte negative në trup.
Çfarë ndodh kur kombinoni fruta dhe qumësht?
Kur bëjmë bashkë frutat dhe qumështin, mund të ndodhin disa reaksione kimike, duke çuar në efekte anësore të mundshme. Sipas dietologes Priya Bansal, “Shqetësimi kryesor qëndron në ndryshimin në kohën e tretjes që kërkohet për frutat dhe qumështin”.
Përzierja e këtyre dy përbërësve mund të prishë procesin e tretjes, duke sjellë efektet anësore të listuara mëposhtë:
1) Vështirësi në tretje
Bansal thotë se kombinimi i frutave dhe qumështit mund të çojë në fryrje, gazra ose stomak të irrituar. Frutat treten shpejt në stomak, ndërsa qumështiti duhet më shumë kohë. Përzierja e tyre mund të shkaktojë gazra dhe parehati.
2) Ndërhyrja në përthithjen e lëndëve ushqyese
Një shqetësim tjetër që lidhet me kombinimin e frutave dhe qumështit është ndërhyrja e mundshme në përthithjen e lëndëve ushqyese. Bansal thotë se frutat përmbajnë acide natyra dhe enzima që mund të pengojnë tretjen e proteinave të qumështit, siç është kazeina. Kjo ndërhyrje mund të ndikojë në aftësinë e trupit për të absorbuar lëndët ushqyese thelbësore nga qumështi, duke ulur vlerën e tij ushqyese. Sipas një studimi të publikuar në Current Research in Food Science, ushqimet i nënshtrohen tretjes gastrointestinale pas gëlltitjes, gjë që mund të ketë një efekt në përthithjen e antioksidantëve.
A mund të kombinoni frutat dhe qumështin?
Ndërsa efektet anësore të përmendura më sipër mund të ndodhin kur frutat dhe qumështi përzihen, është e rëndësishme të theksohet se reagimet individuale mund të ndryshojnë. Disa individë mund ta tolerojnë mirë kombinimin, ndërsa të tjerë mund të përjetojnë siklet. Bansal thekson se ndikimi i kombinimit të frutave dhe qumështit varet nga faktorë të tillë si frutat e përdoruara, sasia e konsumuar dhe kapaciteti tretës i një individi.
A duhet të konsumojmë qumësht dhe fruta së bashku?
Duke marrë parasysh efektet anësore të mundshme, këshillohet që të tregoni kujdes kur kombinoni fruta dhe qumësht. Bansal thotë se nuk ka asnjë përgjigje të vetme për të gjithë. Është mirë të dëgjoni trupin tuaj dhe t’i kushtoni vëmendje çdo reaksioni negativ ose shqetësimi që mund të shfaqet pas konsumimit të një kombinimi të frutave dhe qumështit.
Burimi:onlymyhealth.com
